Svislanda Olimpika Asocio | ||
---|---|---|
![]() | ||
![]() | ||
Nacia Olimpika Komitato ![]() | ||
Komenco | 1997 vd | |
Lando(j) | Svislando vd | |
Sidejo | Svislando | |
Retejo | Oficiala retejo | |
La Svisa Olimpika Asocio (laŭ rekta traduko el la nomoj en la tri oficialaj lingvoj, Schweizerischer Olympischer Verband, Association Olympique Suisse kaj Associazione Olimpica Svizzera, krome angle Swiss Olympic Association respektive pli mallonge Swiss Olympic) aŭ en Esperanto pli ekzakte Svislanda Olimpika Asocio estas neprofitdona organizaĵo, kiu funkcias kiel la Nacia Olimpika Komitato (NOK) de Svisio. Ĝi kreiĝis la 1-an de januaro 1997 el fuzio de la Svisa Asocio pri Sporto (germane Schweizerischer Landesverband für Sport, SLS / france Association suisse du sport, ASS / itale Associazione Svizzera dello Sport, SSA) kaj la Svisa Olimpika Komitato (Schweizerisches Olympisches Comité, SOC / Comité olympique suisse, COS / Comitato Olimpico Svizzero, COS), fondiĝinta en 1912, kun samtempa integriĝo de la Nacia Komitato pri Elita Sporto (Nationales Komitee für Elite-Sport, NKES / Comité national pour le sport d'élite, CNSE / Comitato nazionale per lo sport d'élite, CNSE).
En sia funkcio kiel NOK, la Svisa Olimpika Asocio celas subteni svisajn atletojn, sporton en Svislando kaj organizi tiujn Olimpikajn Ludojn, kiuj okazas en Svislando. Ĝis la jaro 2024 temis pri la Vintra Olimpiko 1928 kaj la Vintra Olimpiko 1948. En Svislando ankaŭ estus disvolviĝinta la pro la Dua Mondmilito ne okazinta Vintra Olimpiko 1940.
Kiel tegmenta sporta asocio nacia, la asocio reprezentas 22 000 sportajn klubojn kaj proksimume 1 600 000 da membroj en tiuj kluboj.
Laŭ la stato de somero 2012, prezidanto de la Svisa Olimpika Asocio estas Jürg Schild.